美食篇

次次去香港都挂住买野，食野就死铿烂铿，

今次我同“怡琳xi”终于食到好好食的野啦！

去到已经中午一点了，我地放低野

就搭地铁去到旺角食意粉屋，好大

一份龙虾汁海鲜意粉，仲食左一个

好靓又好好味的焦糖红豆西米布甸。

可惜太肚饿了，食完先记起唔记得

影落来。

晚黑我地挂主系I.T买野，去到中环已经十二点。

竟然都比我地稳到传说中的翠华茶餐厅，

点左陈冠希最中意食的秘制猪软骨公仔面、

招牌鱼翅骨汤鱼蛋同牛油多士，

又系太肚饿食到最尾先醒起影相：p

第二日我地去左尖沙咀的加连威老道，

无意中发现左太平馆，

虽然好贵，但系有好好味的西多士，

到依家捻起都好想再食，

真系从来未食过甘好食的西多士，

仲点左招牌的烧乳鸽同炒牛河，好好味！

下午去海运大厦的时候系雪

糕车度买左软雪糕，好好味

啊～。

星期六晚撞岩啤酒节，兰桂坊出面好热闹，成条路都系鬼佬系

度顷计跳舞，仲有音乐，我地系果度玩左一阵，饮左两杯晤知

乜野的酒。：p

                                                              （待续）